"Deturpación" é a palabra que achamos mais idónea para calificar as actuacións levadas a cabo nos xardíns de Felipe de Castro, uns xardíns históricos situados no que actualmente constitúe o último vestixio do que fora a alameda primixenia. Xa no mes de marzo nos manifestabamos contrarios á solución proposta no Anteproxecto para a recuperación, restauración e posta en valor dos Xardíns de Felipe de Castro, recoñendo, como obriga a evidencia, a necesidade dunha actuación na contorna dos xardíns dado o seu estado de deterioro. E así o facemos novamente ante as actuacións recentes levadas a cabo polo Concello tanto nestes xardíns coma noutros da zona, cuxo deseño e resultado é totalmente alleo aos nosos costumes e tradicións.